kabhi..bas yun hi..

kabhi,

bas yunh hi sang chalo mere...

kissi wajah ya sahare ke liye nahi,

saath dene ke liye bhi nahi,

mera bojh baatne ke liye nahi,

aur sirf samay kaatne ke liye bhi nahi!!

kabhi,

bas yunh hi sang chalo mere...

safar lamba hai iss liye nahi,

akela, tanha hai iss liye bhi nahi,

kahin atak na jaoon iss liye nahi,

kahin bhatak na jaoon iss liye bhi nahi,

kabhi,

bas yunh hi sang chalo mere...

ek mehakte ehsaas ki tarah,

chahe dikhai, sunai bhi na do,

mujhse alag nahi, mujh mein hi kahin,

mere wajood, mere saaye ki tarah,

kabhi,

bas yunh hi sang chalo mere...

ke band aankhon mein tumhein dekhoon,

khamosh si raah par tumhein hi sunoo'n,

basse ho dil ke kisi kone mein,

mere liye bahut hai itna sukoon!!

kabhi toh...bas yunh hi sang chalo mere!!