dibbe mein band..sapne...

kuchh sapne dibbe men band rehne do...

haseen-tareen chamkeele sapne, adhure bhi achhe lagte hain...

har sapna haqeeqat ban jaaye yeh zaroori nahi...

kuchh sapno ko haqeeqat mein mat dhalne do!!

ichhaein adhuri bhi honi chahiye...

har baar poori karke unhein mat marne do...

adhure khwab ke bhi apne andaaz hain,

adhurepan mein hi unhein zinda rehne do!!

har chahat ko apna bana lo toh kya badi baat hai...

ek-aadh chahat ko bas chahat hi rehne do!!

chand taaron ko chhoone ki hasrat ho beshaque,

chand taaron ko apne se door hi rehne do...

woh wahin door hi achhe lagte hain...

bass zameen se dekhke hi apne mann ko bharne do!!

yeh sapne jugnu ki tarah aage ke raaste dikhayenge..

saath rahenge tabhi armaan jagayenge...

har manzil ko paa jao yeh zaroori toh nahi...

iss safar ko meri jaan, raaston mein hi katne do!!